د زړونو او فکرونو د نیولو لپاره ددښمن د هڅې په وړاندې سمه رسندويي او تبلیغاتي مبارزه اړینه ده
حضرت آیتالله خامنهای په دې مراسمو کې چې نږدې درې ساعته یې دوام وکړ، د حضرت صدیقه طاهره فاطمةالزهرا(س) د ولادت مبارکي وویله او وې فرمائيل؛ د ایران خلک د ملي مقاومت په وسیله د دښمن هغه پرلهپسې هڅې ناکامې کړې چې غوښتل ئې د دغه ملت «دیني، تاریخي او فرهنګي هویت» بدل کړي. او نن هم، د دې ترڅنګ چې باید د دښمن د پروپیګنډیزو او رسنیزو فعالیتونو په مقابل کې چې په مغزو، زړونو او باورونو باندې د حملو نیّت لري، سمه دفاعي او مخه نیونکي صفبندي وشي، خو ایران ـ د شته ستونزو او کمښتونو سره سره ـ په خپل مخ په وړاندې حرکت ته دوام ورکوي.
د اسلامی انقلاب ستر د امام خمیني(ره) د ولادت د حضرت فاطمه زهراء(س) له میلاد سره یوووخت والي په درنښت سره یاد کړ او د نړۍ د ښځو د آغلې فضیلتونه او مقام ئې د بشري ادراک له کچې لوړ وبلل. هغوی زیاته کړه: سره له دې، باید حضرت فاطمةالزهرا س په لارې ګامونو کیږدو او فاطمیون ووسو او له دغې بېمثاله بیبی څخه په ټولو برخو کې لکه دیندارئ، عدالت غوښتنې، د بیانونکي جهادِ هڅې، میړنتوب، د اولاد روزنه او نورو برخو کې پیروي وکړو.
دوي دغه راز مداحي یوه خورا اغېزمنه پدیده وبلله او زیاته یې کړه: لازمه ده چې د تحقیق او څېړنې له لارې د دې حیرانوونکې پدیدې د ژورتیا، زیانونو پېژندلو او د هغې د پیاوړتیا او تکامل لارې وموندل شي.
حضرت آیتالله خامنهای د مداحۍ حرکت د پخوا په پرتله د ودې په حال کې وباله او مداحي یې د مقاومت د ادبیاتو له بنسټیزو مرکزونو څخه وبلله. هغوی زیاته کړه: هر فکر او هر عمل که مناسب ادبیات و نه لري، ورو ورو له مینځه ځي؛ او مداحي او مجلس نن سبا د مقاومت د ادبیاتو په پرابرولو ، پراختیا او منتقولو سره دا خورا مهم ضرورت پیاوړی کوي.
رهبر انقلاب «ملي مقاومت» په باب ووئيل «د سلطهګرو د ډول ډول دباؤنو په مقابل کې زغم او مقاومت کول د وخت ضرورت دی ځینې وخت پوځي دباؤنه وي ـ لکه هغه چې ولس د دفاع مقدس پر مهال ولیدل او په تېرو میاشتو کې ئې ځوانانو او انجونو هم تجربه کړ ـ او ځینې وخت اقتصادي، رسنیز، فرهنګي یا سیاسي دباؤنه هم وي خو هرڅه په مقاومت او کلک هوډ سره ترسره کیږي
https://iqna.ir/fa/news/4322334/
